سعودی عرب نے حوثی باغیوں کا میزائل حملہ ناکام بنا دیا

غیر ملکی میڈیا کے مطابق سعودی عرب کے شہر جازان پر حوثی باغیوں کی جانب سے بیلسٹک میزائل حملہ کیا گیا جس کو سعودی عرب اتحاد کی جانب سے ناکام بناتے ہوئے تباہ کردیا گیا جبکہ حملے سے کسی جانی نقصان کی کوئی اطلاع نہیں ملی۔

سعودی عرب اتحاد کے ترجمان کرنل ترکی المالکی کا کہنا ہے کہ حوثی باغیوں کی  جانب سے جان بوجھ کر شہری آبادی کو نشانہ بنانے کی کوشش  کی جا رہی ہے جو کہ جنگی جرائم کے دائرہ کار میں آتی ہے۔

یاد رہے کہ 2 روز قبل بھی سعودی عرب کے صوبے جازان میں حوثی باغیوں نے میزائل حملہ کیا جس کے نتیجے میں 5 افراد زخمی ہوگئے تھے۔