طلبا کی امتحانی فیس ختم کرنے کا فیصلہ

چیئرمین فیڈرل بورڈ قیصر عالم کی زیرصدارت ہیڈز آف ڈیپارٹمنٹس کا اہم اجلاس ہوا جس میں تعلیمی سال 2022 کے شیڈول اور سرگرمیوں کے حوالے سے اہم فیصلے کئے گئے۔

اجلاس میں معذور افراد، قیدیوں اور یتیموں کیلئے امتحانی فیس ختم کردی گئی ،مارک شیٹ گم ہو جانے یا بذریعہ ڈاک نہ ملنے پر مفت فراہم کرنے کا فیصلہ کیا گیا، اس کے علاوہ بیرون ممالک الحاق شدہ اداروں میں امتحانات 2022 کمپیوٹرائزڈ کرنے کا فیصلہ کیا گیا، چیئرمین فیڈرل بورڈ نے متعلقہ حکام کو بروقت تیاریاں مکمل کرنے کی ہدایات جاری کردیں۔