بلیک بیری کا 4 جنوری 2022 سے اپنی تمام سروسز بند کرنے کا اعلان 

موبائل فون کی دنیا میں انقلاب برپا کرنے والی کمپنی بلیک بیری نے اعلامیہ جاری کیا جس میں انہوں نے بلیک بیری نے فون استعمال کرنھے والوں  کا خصوصی شکریہ ادا اور اپنے عہد کے اختتام کا اعلان بھی کیا۔

جاری کردہ اعلامیے میں کہا گیا ہے کہ  بلیک بیری کی تمام سروسز 4 جنوری سے دنیا بھر میں بند کردی جائے گی یہاں تک کہ جن موبائل فونز کو اینڈرائیڈ آپریٹنگ سسٹم پر منتقل کیا تھا وہ بھی کام نہیں کریں گےاور صارفین ڈیٹا، میسجز، انٹرنیٹ اور ایمرجنسی نمبر 911 پر بھی کال نہیں کرسکیں گے۔

خیال رہے کہ 2013  میں بلیک بیری نے آخری بار نیا آپریٹنگ سسٹم پیش کیا تھا تاہم اگلے ہی سال کلاؤڈ (اسٹوریج) سرور پر ہیکرز کی رسائی اور ڈیٹا چوری ہونے کے بعد کمپنی  کو بڑے نقصان کا سامنا کرنا پڑا تھا، کمپنی نے صارفین کو سیکیورٹی کے حوالے سے اطمینان دلانے کے لیے  نہ صرف یقین دہانی کرائی بلکہ  دو سال قبل ستمبر میں کمپنی نے  سافٹ ویئر کی سیکیورٹی کے حوالے سے اقدامات کرنے کا اعلان بھی کیا تھا مگر کوئی فائدہ نہ ہوسکا۔