شیر کو بلی کے بچے کی طرح اٹھاکر گھومنے والی لڑکی کی ویڈیو وائرل

کویت میں شیر کو بلی کے بچے کی طرح گود میں اٹھاکر سڑکوں پر گھومنے والی لڑکی کی ویڈیو وائرل ہوگئی۔

یوں تو شیر جیسے خونخوار جانور کو دیکھ کر ہی لوگوں کے پسینے چھوٹ جاتے ہیں اور پھر یہ جانور سڑکوں پر عوام کے درمیان آجائے تو ہر کوئی ادھر ادھر بھاگنے کی کوششوں میں لگ جاتا ہے۔

سوشل میڈیا پر شیر اور تیندوے کی ویڈیوز کی بھرمار رہتی ہے ، کچھ دن پہلے شیرنی کی ایک ویڈیو وائرل ہوئی تھی جس نے سیاحوں کی موجودگی میں کتے پر حملہ کرکے سب پر خوف طاری کردیا تھا۔ بھارت میں تو شیر اور تیندوے کی ویڈیوز آئے دن سوشل میڈیا کی زینت بنی رہتی ہیں لیکن اس بار کویتی خاتون کے چرچے ہورہے ہیں۔

غیر ملکی خبررساں ادارے کی رپورٹ کے مطابق کویت کے دارالحکومت کویت سٹی میں شیر کے گھومنے کی اطلاعات ملنے کے بعد شہریوں میں خوف وہراس پھیل گیا۔

خونخوار شیر سڑک پر یہاں وہاں گھومتا رہا اور اس دوران لوگ چھپ چھپ کر اس کی ویڈیوز بناتے رہے۔ دارصل یہ ایک خاتون کا پالتو شیر تھا جو گھر سے بھاگ نکلا تھا۔

کچھ ہی دیر بعد شیر کی مالکن نے اس کا پیچھا کیا اور اسے گود میں اٹھاکر ساتھ لے گئی لیکن اس دوران وہاں موجود لوگوں نے اس منظر کو کیمرے کی آنکھ میں محفوظ کرلیا جو سوشل میڈیا پر وائرل ہوگیا۔

 

 

 

 

 

View this post on Instagram

 

 

 

 

 

 

 

 

 

 

 

A post shared by العربية Al Arabiya (@alarabiya)

وائرل ویڈیو میں دیکھا جاسکتا ہے کہ کویتی لڑکی بلی کے بچے کی طرح شیر کو اپنی گود میں اٹھائے ہوئے چل رہی ہے اور اس دوران شیر اپنی جان بچانے کے لیے بھرپور مزاحمت کررہا ہے کہ کسی طرح لڑکی کے چنگل سے آزاد ہوجائے لیکن لڑکی نے بھی اسے اچھی طرح قابو کررکھا ہے۔

بعد ازاں رپورٹس میں یہ بات سامنے آئی کہ سڑک پر گھومنے والے شیر کو محکمہ ماحولیات کے حوالے کردیا گیا ہے۔