کورونا وائرس : ملک میں  ستمبر 2021 کے بعد آج سب سے زیادہ کیسز رپورٹ 

تفصیلات کے مطابق ملک میں کورونا وائرس کے یومیہ کیسزاور اموات  میں ایک مرتبہ پھر اضافہ دیکھنے میں آرہا ہے اور نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں گزشتہ 24 گھنٹوں کے دوران 13مریض انتقال کرگئے  جس کے بعد اموات کی مجموعی تعداد 28ہزار 987 ہوگئی ہے ۔

ملک میں گزشتہ 24 گھنٹوں کے دوران 2 ہزار074 کیسز رپورٹ ہوئے  جس کے بعد کورونا کیسز کی مجموعی تعداد 13 لاکھ 9 ہزار 248 ہوگئی ہے ۔ 

 ملک میں   گزشتہ 24 گھنٹوں کے دوران کورونا کے مثبت کیسز کی  شرح4.70 فیصد رہی ۔ ملک بھر میں چوبیس گھنٹے کے دوران  44ہزار120 ٹیسٹ کئےگئے ہیں ۔ پاکستان میں کوروناکے628 مریضوں کی حالت تشویشناک ہے ۔

Statistics 12 Jan 22:
Total Tests in Last 24 Hours: 44,120
Positive Cases: 2074
Positivity %: 4.70%
Deaths :13
Patients on Critical Care: 628

— NCOC (@OfficialNcoc) January 12, 2022

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔