وزیراعلیٰ گلگت بلتستان خالد خورشید کا کورونا ٹیسٹ مثبت آگیا

ذرائع کے مطابق وزیراعلیٰ گلگت بلتستان خالد خورشید نے کورونا ٹیسٹ مثبت آنے کے بعد  گلگت بلتستان ہاؤس اسلام آباد میں قرنطینہ کر لیا ہے۔

وزیراعلیٰ کے ترجمان کا کہنا ہے کہ خالد خورشید کی طبیعت بہتر ہے، ایس او پیز کے تحت انہوں نے قرنطینہ کرلیا ہے۔

ترجمان کا کہنا ہے کہ وزیراعلیٰ گلگت بلتستان نے عوام الناس سے اپیل کی ہے کہ ایس او پیز پر عمل درآمد یقینی بنائیں اور ویکسینیشن کرائیں۔