ضابطہ فوجداری میں ترامیم کی تفصیلات سامنے آ گئیں

تفصیلات کے مطابق ضابطہ فوجداری میں ترامیم کی تفصیلات سامنے آ گئیں ہیں ۔مجوزہ ترمیم کے مطابق  ملزمان کے معائنے کیلئے میڈیکل بورڈ میں ماہر نفسیات شامل ہوں گے،  ایس ایچ او کیلئے گریجویشن کی ڈگری لازمی قرار دی جائے گی، جہاں مقدمات کا بوجھ زیادہ ہو وہاں ایس ایچ او اے ایس پی رینک کا ہوگا،  مفرور ملزمان کے شناختی کارڈ اور بنک اکاونٹس بلاک کر دیے جائیں گے۔

مجوزہ  ترمیم‎میں کہا گیا ہے کہ  جلسے جلوسوں میں اسلحہ لےکرجانے کی اجازت نہیں ہوگی، دفعہ 161 کے تحت ہونے والے بیانات کی آڈیو ویڈیو ریکارڈنگ بھی کی جائے گی، پراسیکیوٹر تفتیش سے مطمئن نہ ہو تو مزید یا ازسرنو تحقیقات کا کہہ سکے گا۔

مجوزہ ترمیم‎ ‎کے مطابق  فوجداری مقدمات کا ٹرائل 9 ماہ میں ہوگا، ہر ماہ ہائیکورٹ کو پیشرفت رپورٹ جمع کرانی ہوگی،  غیر سنجیدہ مقدمہ بازی پر سیشن کورٹ دس لاکھ روپے تک جرمانہ کر سکے گی، نو ماہ میں ٹرائل مکمل نہ ہونے ٹرائل کورٹ ہائیکورٹ کو وضاحت دینے کی پابندی ہوگی، ٹرائل کورٹ کی وضاحت قابل قبول ہوئی تو مزید وقت دیا جائے گا ،  ٹرائل کورٹ میں گواہان کے بیانات کی آڈیو ویڈیو ریکارڈنگ کی جائے گی،  گواہ بیان کے ٹرانسکرپٹ سے اختلاف کرے تو ریکارڈنگ سے استفادہ کیا جائے گا۔

 مجوزہ ترمیم  میں کہا گیا ہے کہ   گواہ عدالت نہ آ پائے تو ویڈیو لنک پر بیان ریکارڈ کروا سکیں گے، بیرون ملک مقیم گواہان بھی مجاز افسر کی موجودگی میں بیان ریکارڈ کروا سکے گا،  فوجداری مقدمات میں تین دن سے زیادہ کا التواء نہیں دیا جا سکے گا، تین دن سے زیادہ التواء دینے پر ٹرائل کورٹ کو وجوہات بتانا ہوں گی۔فوجداری ریفارمز ، منشیات مقدمات میں سزائے موت ختم کرنے کی تجویز‎ ‎ہے۔سزائے موت کی جگہ مجرم کو باقی تمام زندگی جیل میں گزارنے کی سزا ہوگی۔

مجوزہ ترمیم ‎میں  ریلوے ایکٹ میں بھی سزائے موت ختم کرنے کی تجویزدے دی گئی‎ ‎ ہے، غیر قانونی پولیس حراست پر سات سال تک سزا کی تجویز‎ ‎ہے، مفرور ہونے پر سات سال تک کی سزا بھی مقرر کرنے کی تجویز‎ ‎دی گئی ہے، خواتین کی جاسوسی اور پیچھا کرنے کو بھی جرم قرار دینے کی تجویز‎ ‎ہے، کوئلے پر چلنے اور کسی کو پانی میں پھینکنے کو بھی جرم قرار دینے کی تجویز‎ ‎ہے۔ آڈیو ، ویڈیو اور ای میلز بھی قابل قبول شواہد تصور ہوں گے،  ویڈیو درست ثابت ہو تو بنانے والے کی عدالت میں پیشی کی ضرورت نہیں ہوگی۔