حکومت چیئرمین سینیٹ کی آفر بھی پی ڈی ایم کو کرے، رانا ثنا ء اللہ

تفصیلات کے مطابق  مسلم لیگ ن پنجاب کے صدر رانا ثناءاللہ کا کہنا ہے کہ حکومت کو چاہیے کہ چئیرمین کی آفر بھی پی ڈی ایم کو کرے اور   یوسف رضا گیلانی کو بھی تسلیم کر لیں کیونکہ اپوزیشن اتحاد کے نمبر ذیادہ ہیں،حکومت کو پی ڈی ایم کے چئیرمین سینیٹ اور ڈپٹی چئیرمین سینیٹ کو تسلیم کر لینا چاہیے۔

رانا ثنااللہ کا کہنا ہے کہ   حکومت سمجھتی ہے کہ حکومت کے نمبرز کم ہیں اور وہ اپوزیشن کا کوئی بھی بندہ توڑنے میں ناکام ہے تو اسی لیے حکومت کو ہمارے امیدواروں کو تسلیم کر لینا چاہیے، پی ڈی ایم چئیرمین سینیٹ الیکشن میں اتفاق رائے سے حصہ لے گی، حکومت کی طرف سے پی ڈی ایم میں دراڑ کی کوشش ہے۔

واضح رہے کہ  حکومت نے جے یو آئی کو ڈپٹی چیرمین سینٹ آفر کردی،حکومتی رہنما پرویز خٹک نے کہا کہ ہم نے مولانا عبدالغفور حیدری کو آفر کی ہے کہ وہ ہمارے ڈپٹی چیرمین سینٹ بن جائے۔