وکلاء برادری نے ہر دور میں پاکستان پیپلزپارٹی کے شانہ بشانہ جمہوری جدوجہد کی ہے، بلاول بھٹو زرداری

تفصیلات کے مطابق پاکستان پیپلزپارٹی کے چیئرمین بلاول بھٹو زرداری سے ڈسٹرکٹ بار لاڑکانہ کے نومنتخب عہدیداران اور پیپلزلائرفورم کے نمائندوں نے ملاقات کی ہے،  چیئرمین بلاول بھٹو زرداری کے ہمراہ بھٹو ہاؤس، نوڈیرو میں ہونے والی ملاقات میں پی پی پی شعبہ خواتین کی مرکزی صدر فریال تالپور موجود تھیں۔

چیئرمین بلاول بھٹو زرداری کی پی ایل ایف کی حمایت سے جیتنے والے ڈسٹرکٹ بار لاڑکانہ کے عہدیداران کو مبارک باد اور  ڈسٹرکٹ بار لاڑکانہ کو ایک کروڑ روپے کا چیک دیا۔

پاکستان پیپلزپارٹی کے چیئرمین بلاول بھٹو زرداری نے ڈسٹرکٹ بار لاڑکانہ اور پی ایل ایف کے عہدیداران سے مختصر خطاب کیا۔

چیئرمین پیپلزپارٹی بلاول بھٹو زرداری نے خطاب میں کہا کہ   وکلاء برادری نے ہر دور میں پاکستان پیپلزپارٹی کے شانہ بشانہ جمہوری جدوجہد کی ہے،  آزاد عدلیہ نہ ہونے کا ملک میں سب سے زیادہ نقصان پاکستان پیپلزپارٹی کا ہوا ہے،  بھٹو قتل کیس کا ریفرنس آج تک التواء کا شکار ہے، اگر ملک میں آئین کے بانی شہید ذوالفقار علی بھٹو کو انصاف نہیں مل سکتا تو عام آدمی کو کیسے انصاف ملے گا۔

چیئرمین بلاول بھٹو زرداری کے ہمراہ اعجاز جاکھرانی، جمیل سومرو، خورشید جونیجو، مرتضی وہاب، سہیل انور سیال اور اعجاز لغاری بھی موجود،  ملاقات کے موقع پر سندھ بار کونسل کے نمائندے آصف علی عبدالرزاق سومرو، عنایت اللہ موریو اور عبدالحامد بھرگڑی موجود،  ڈسٹرکٹ بار لاڑکانہ کے صدر صفدر علی غوری، نائب صدر کامران علی گورڑ اور جنرل سیکریٹری امان اللہ لہر، جوائنٹ سیکریٹری عبدالستار ہلیو و دیگر ملاقات کے موقع پر موجود تھے۔

چیئرمین بلاول بھٹو زرداری سے ڈسٹرکٹ بار لاڑکانہ کی منیجنگ کمیٹی کے اراکین اور 50 سے زائد جنرل اراکین نے ملاقات کی۔