چین نے کورونا کے پیش نظر " وائرس پاسپورٹ" متعارف کروادیا

تفصیلات کے مطابق کورونا وائرس کی وبا کے دوران چین نے اپنے شہریوں کی فضائی آمدورفت کے لیے وائرس پاسپورٹ کا اجراء کر دیا ہے۔

چین کا یہ پاسپورٹ ہیلتھ سرٹیفکیٹ کے طرز پر تیار کیا گیا ہے جس میں شہری کی صحت سے متعلق تمام تر تفصیلات  درج ہوں گی۔پاسپورٹ  ویکسی نیشن ، کورونا ٹیسٹ  اور دیگر طبی معلومات پر مشتمل ہو گا۔

چین میں بیرون ملک سے داخل ہونے یا باہر جانے کے لیے وائرس پاسپورٹ دکھانا ہوگا تاہم ابھی یہ لازمی نہیں اور صرف چینی شہریوں پر لاگو ہوگا البتہ جلد اس سسٹم کو لازمی اور غیر ملکی مسافروں پر بھی لاگو کیا جائے گا۔

چین کے وزارت خارجہ کے ترجمان نے بتایا کہ وائرس پاسپورٹ عالمی معاشی بحالی کو فروغ دینے اور غیر ملکی سفر میں آسانیاں پیدا کرنے کے لیےبنایا گیا ہے۔

یاد رہے یہ دنیا کا پہلا وائرس پاسپورٹ ہوگا اور دنیا بھر میں وائرس پاسپورٹ جیسی دستاویز پر غور کیا جا رہا ہے ۔