چین تائیوان پر دھاوا بول سکتا ہے، امریکا

تفصیلات کے مطابق واشنگٹن کے اعلی کمانڈر ایڈمرل فلپ ڈیوڈسن نے امریکی سینیٹ کی آرمڈ سروسز کمیٹی کو بتایا کہ آنے والے 6 برسوں میں چین تائیوان پر بڑا حملہ کر سکتا ہے ، جبکہ چین تائیوان کو اپنا حصہ بنانے کے عزم کا اظہار کئی بار کر چکا ہے۔

امریکی کمانڈر نے متنبہ کیا کہ مجھے خوف ہے کہ چین خطے میں امریکی فوجی طاقت پر اپنا قبضہ جمانا چاہتا ہے۔ سینئر کمانڈر کا کہنا تھا کہ چین کا ہدف گوام ہے جس کی حفاظت کی ضرورت ہے اور یہ خدشہ چینی فوج کی جانب سے جاری ویڈیو سے پیدا ہوتا ہے جس میں ایک جزیرے کے اڈے پر حملہ کرتے ہوئے دکھایا گیا اور یہ اڈہ گارسیا اور گوام میں امریکی تنصیبات کی طرح تھا۔

ایڈمرل کمانڈر نے قانون سازوں سے مطالبہ کیا کہ ممکنہ حملے کا مقابلہ کرنے کے لیے ایجس ایشور اینٹی میزائل بیٹری کے گوام پر انسٹالیشن کی منظوری دی جائے، جو پرواز میں انتہائی طاقتور چینی میزائلوں کو روکنے کے قابل ہیں۔

یاد رہے کہ 1949 میں خودمختار تائیوان کے اعلان کے بعد چین تائیوان کو اپنا حصہ مانتے ہوئےکئی بار حملے کی دھمکی دے چکا ہے۔