ایک روز میں 22 لاکھ سے زائد افراد کو ویکسین لگانے کا ریکارڈ قائم

تفصیلات کے مطابق وفاقی وزیر برائے منصوبہ بندی ، ترقی واصلاحات وخصوصی اقدامات اسد عمر نے کہا ہے کہ ایک دن میں ویکسین کی 22 لاکھ 40 ہزار خوراکیں لگانے کا ریکارڈ قائم ہوا ہے، 58 فیصد پاکستانیوں کو مکمل ویکسین لگ چکی ہے ۔

اسد عمر  نے سماجی رابطے کی ویب سائٹ ٹوئٹر پر ایک پیغام میں کہا کہ گزشتہ 4 دنوں میں ویکسین کی روزانہ 20 لاکھ سے زیادہ خوراکیں لگائی گئی ہیں ۔ انہوں نے کہا کہ ویکسی نیشن کے اہل 4 میں سے ہر 3 پاکستانیوں نے ویکسین کی کم از کم 1 خوراک لگوائی ہے، 58 فیصد پاکستانی مکمل طور پر ویکسین شدہ ہیں۔ 

Another record set with 2.24 million vaccinations in a day. Last 4 days in a row we have vaccinated more than 2 million each day. Every 3 out of 4 pakistani's eligible for vaccination have recieved at least 1 dose. 58% are fully vaccinated. Well done Pakistan

— Asad Umar (@Asad_Umar) February 11, 2022

یاد رہے کہ ملک میں اب تک 11 کروڑ 52 لاکھ 38 ہزار 268 افراد کو ویکسین کی ایک ڈوز جبکہ 8 کروڑ 98 لاکھ 53 ہزار 639 افراد کو ویکسین کی دونوں ڈوزز لگائی جا چکی ہیں۔