یہ عدم اعتماد لا سکتے ہیں نہ استعفے دے سکتے ہیں، عثمان بزدار

وزیراعلیٰ پنجاب سردار عثمان بزدار کا کہنا ہے کہ  استعفوں اور لانگ مارچ کے بعد اب اپوزیشن نے عدم اعتماد کا شوشہ چھوڑا ہے۔ یہ عدم اعتماد لا سکتے ہیں نہ استعفے دے سکتے ہیں۔ اپوزیشن میں لانگ مارچ کرنے کی بھی ہمت نہیں ہے۔ عدم اعتماد کا شوشہ صرف چائے کی پیالی میں طوفان کے مترادف ہے۔

عثمان بزدار نے کہا کہ  نمبر گیم میں حکومت کو واضح سبقت حاصل ہے۔ تمام اپوزیشن اکٹھی بھی ہوجائے تو بھی عدم اعتماد کامیاب نہیں ہوگی۔ عدم اعتماد کے غبارے سے آئندہ چند روز میں ہوا نکل جائے گی۔ اپوزیشن عدم اعتماد لانا چاہتی تو شوق پورا کر لے۔ اپوزیشن کو پہلے کی طرح اس بار بھی ہزیمت کا سامنا کرنا پڑے گا۔ع جس اپوزیشن اتحاد پر اس کی اپنی جماعتیں عدم اعتماد کر چکی ہوں انہیں عدم اعتماد کی باتیں کرنا زیب نہیں دیتا۔