ملک میں واضح طور پر کورونا وائرس کی ایک نئی لہر آچکی ہے: ڈاکٹر فیصل سلطان

اپنے بیان میں ڈاکٹر فیصل سلطان نے کہا کہ کورونا وائرس کی نئی تیسری لہر آچکی ہے، بالخصوص پنجاب کے بڑے شہروں سمیت پورا پاکستان کورونا وائرس کی نئی لہر کی زد میں ہے، عوام سے درخواست ہے حکومتی احتیاطی تدابیر پر سختی سے عمل کریں۔

ڈاکٹر فیصل سلطان نے کہا ہے کہ نئی لہر ہمارے ہیلتھ سسٹم پر اثر انداز ہو سکتی ہیں، مریضوں کی تعداد میں اضافہ نظر آ رہا ہے۔انہوں نے مزید کہا کہ کورونا وائرس سے خود بھی بچیں اور اپنے پیاروں کو بھی بچائیں۔ ڈاکٹر فیصل سلطان کا کہنا تھا کہدنیا بھر میں کرونا وائرس کی نئی اقسام داخل ہو چکی ہیں، اگر ہم نے احتیاط کا دامن ہاتھ سے چھوڑ دیا تو یہ لہر پورے پاکستان میں بری طرح پھیل سکتی ھے، عوام سے درخواست ھے حکومتی احتیاطی تدابیر پر سختی سے عمل کریں۔ انہوں نے مزید کہا کہ یہ بھی خدشہ ظاہر کیا گیا کچھ اقسام بہت زیادہ خطرناک بھی ہو سکتی ہیں