صادق سنجرانی کو چاہیے کہ خود ہی مستعفی ہوجائیں: بلاول بھٹو

وفاقی دارلحکومت میں میڈیا سے گفتگو کرتے ہوئے بلاول بھٹونے کہا کہ پو لنگ بوتھ میں کیمرے سامنے کا معاملہ الیکشن کمیشن میں اٹھائیں گے۔کیمرے لگانے کے واقع کی تحقیقا ت کی درخواست کردی ہے۔

بلاول بھٹو کا کہنا تھا کہ جو لوگ ہارتے ہیں وہ ایسی حرکتیں کرتے ہیں۔ایسی حرکتوں سے ان کے اندر کا خوف باہر آرہا ہے جو آ پکے سامنے ہے۔پی پی چیئرمین نے کہا کہ الیکشن کے عمل میں داغ آچکا ہے جس کو ہم نے دھونا ہے۔

واضح رہے کہ چیئر مین اور ڈپٹی چیئرمین کے انتخابات سے قبل آج بڑا اسکینڈل سامنے آیا ۔ سینیٹ ہال میں ووٹنگ والی جگہ پر خفیہ کیمرے اور خفیہ ڈیوائس برآمدہوئیں،  جس پر حکومت اور اپوذیشن نے ایک دوسرے پرالزامات لگانا شروع کردیے۔ 

پیپلز پارٹی کے رہنما مصطفیٰ نواز کھوکھر نے ٹوئٹر پر تصاویر جاری کرتے ہوئے کہا کہ میں نے اورمصدق ملک نے پولنگ بوتھ پر لگا خفیہ کیمرہ ڈھونڈا ہے۔ جبکہ مسلم لیگ ن کے رہنما مصدق ملک نے بھی ایک تصویر شیئر کی ہے اور کہا ہے کہ پولنگ بوتھ میں اور چھپی ہوئی ڈیوائس برآمد ہوئی ہے ۔