الحمدللہ سچ حق جیت گیا، پاکستان جیت گیا: فردوس عاشق اعوان

تفصیلات کے مطابق معاون خصوصی اطلات  پنجاب فردوس عاشق اعوان کا چیئرمین سینیٹ کے انتخابات میں کامیابی سمیٹنے کے بعد کہنا تھا کہ الحمدللہ سچ حق جیت گیا، پاکستان جیت گیا، عمران خان کا بیانیہ جیت گیا ہے۔ صادق سنجرانی کی قیادت میں بلوچستان جیت گیا۔ 

فردوس عاشق اعوان  کا مزید کہنا تھا کہ وزیر اعظم عمران خان اور تحریک انصاف نے بلوچستان کو عزت دی ہے۔وزیراعظم عمران کی سیاست ذات کیلئے نہیں قوم کیلئے ہے۔یوسف رضا گیلانی کے ساتھ برادر یوسف ہاتھ کر گئے ہیں ،یہ اس بات کی علامت ہے کہ پی ڈی ایم تقسیم ہوچکی ہے۔یہ جس طرح ووٹ ضائع کرنے کی ترغیب دیتے رہے۔آج انہوں نے اپنا ہی بویا ہوا کاٹ لیا۔آج عمران خان نے سیریز جیتی ہے۔یہ ایک میچ جیت کر بغلیں بجا رہے تھے۔

یاد رہے حکومت کے نامزدامیدوار صادق سنجرانی  نے 48 ووٹ حاصل کر کے سینیٹ چیئرمین کا تاج اپنے نام کر لیا۔پاکستان ڈیموکریٹک موومنٹ (پی ڈی ایم) کے رہنما یوسف رضا گیلانی 42 ووٹوں کے ساتھ شکست کا سامنہ کرنا پڑا جبکہ 8 ووٹ مسترد ہوئے ۔8  ووٹرز  نے یوسف رضا گیلانی کے نام کے اوپر مہر لگائی جس کی وجہ سے ووٹ مسترد ہوئے۔