پیپلز پارٹی کا صادق سنجرانی کی جیت کو عدالت میں چیلنج کرنے کا فیصلہ

تفصیلات کے مطابق پی ڈی ایم کے مشترکہ ارکان سابق صدرآصف زرداری اور مولانا فضل الرحمن سے ٹیلیفون پر رابطہ ہوا ہے جس میں چیئرمین سینیٹ کے انتخاب اور نتائج پر تبادلہ خیال کیا گیا ہے۔

پی ڈی ایم کے مشترکہ نامزد امیدوار یوسف رضا گیلانی 42 ووٹس کے ساتھ چیئر مین سینیٹ کی سینیٹ حاصل کرنے میں ناکام رہے جبکہ حکومت کے نامزد امیدوار صادق سنجرانی نے 48 ووٹوں کے ساتھ چیئرمین سینیٹ کا تاج اپنے نام کر لیا۔

 آصف زرداری اور مولانا فضل الرحمن کی ٹیلیفون پر بات چیت کے دوران چیئرمین سینیٹ کے نتائج کو عدالت میں چیلنج کرنے کا فیصلہ کیا ہے۔

ذرائع کے مطابق مولانا فضل الرحمن  نے آصف زرداری کو یقین دہانی کروائی ہے کہ وہ نتائج کو چیلنج کریں ہم آپ کے ساتھ کھڑے ہیں۔ آصف زرداری کا کہنا تھا کہ حکومتی پریذائیڈنگ افسر نے بھونڈے طریقے سے ووٹ مسترد کیے۔