فیصلہ چیلنج کریں گے امید ہے عدالت سے انصاف ملے گا: بلاول بھٹو

تفصیلات کے مطابق چیئرمین پیپلز پارٹی بلاول بھٹو نے سینیٹ الیکشن میں ناکامی کے بعد میڈیا سے گفتگو کرتے ہوئے کہا کہ پاکستان کے سب سے بڑے ہاؤس کی عزت پامال کی گئی ہے،حکومت نے کھلے عام الیکشن میں دھاندلی کی، انہوں نے جان بوجھ کر غلط فیصلہ سنایا، یوسف رضا گیلانی الیکشن جیتنے کے باوجود سیٹ پر نہیں بیٹھا، جب ووٹ دینے والے کی نیت صاف ہے تو پھر ووٹ مسترد نہیں ہونے چاہیے تھے۔یوسف رضا گیلانی کے 7ووٹ ناجائز طریقے سے مسترد کیے گئے۔اس ظلم کیخلاف پی ڈی ایم مشاورت کررہی ہے۔

بلاول بھٹو نے میڈیا کو بتایا کہ سینیٹ الیکشن کے بعد میں نے خود مریم نواز سے رابطہ کیاہے، ہم اس فیصلے کو چیلنج کریں گے،سینیٹ الیکشن آج کھلے عام چوری کیے گئےہیں،سینیٹ انتخاب میں آج جو کچھ ہوا سب نے دیکھا۔ سینیٹ ہال سے آج کیمرے برآمد کیے گئے،پریذائیڈنگ آفیسر حکومت کے اتحادی ہیں، جانبدار پریذائیڈنگ آفیسر نے یوسف رضا گیلانی کے 7ووٹ مسترد کیے،اگر مسترد شدہ 7ووٹوں کوگناجائے تویوسف رضا گیلانی جیت چکے ہیں۔ یوسف رضاگیلانی کے مسترد کیے گئے ووٹ قانونی طور پر درست تھے۔ پی ڈی ایم نے حکومت کو شکست دی ہے۔

بلاول بھٹو کا کہنا تھا کہ چیئرمین  پیپلزپارٹی سینیٹ میں اپوزیشن کو اکثریت تھی، یوسف رضاگیلانی کے7ووٹ ناجائز طریقے سے مسترد کیے گئے،ہم جیت چکے ہیں۔ قومی اسمبلی اورسینیٹ بھی عمران خان کے ساتھ نہیں پی ڈی ایم کےساتھ ہے۔ چیئرمین سینیٹ کاالیکشن عوام کی آنکھوں کےسامنےچوری کیاگیا۔ووٹ قانون کےمطابق درست کاسٹ ہوئے۔

گفتگو میں بلال بھٹو نے بتایا کہ آصف زرداری اور مولانا فضل الرحمان کےدرمیان بھی رابطہ ہواہے۔ پی ڈی ایم نے  حکومت کو قومی اسمبلی اور سینیٹ میں شکست دی ہے۔ صادق سنجرانی کو ایک بار پھر مسلط کیاگیاہے،یوسف رضاگیلانی جیتنےکےباوجود اپنی کرسی پر نہیں ہیں۔یہ سات ووٹ شامل کریں تویوسف رضاگیلانی جیت چکے ہیں۔

پیپلز پارٹی کے چیئرمین بلاول بھٹو نے مزید بتایا کہ مریم نوازودیگرپی ڈی ایم قیادت سےمشاورت کےبعدعدالت جانےکافیصلہ کیاہے۔ یوسف رضاگیلانی چیئرمین سینٹ بن چکےہیں۔ ووٹرزکاارادہ ظاہرہوچکاہےلیکن انہوں نےناجائزطریقےسےووٹ مسترد کیے۔

ہم چاہتے ہیں ہر ادارہ نیوٹرل رہے اور اپنے دائرے میں رہ کرکام کرے، اگرآج کوئی پوچھتا ہے کہ ادارے اپنے دائرے میں رہ کرکام کررہے ہیں تو میرا جواب نہ میں ہوگا۔ پریذائیڈنگ آفیسر کی جانب سے سازش کی گئی ہے، پی ڈی ایم کے پلیٹ فارم پرعدم اعتماد پرمشاورت کررہے ہیں۔

ہمیں امیدہے عدالت سےانصاف ملےگااور ہائیکورٹ ہمارےحق میں فیصلہ دےگی۔

چیئرمین سینیٹ انتخابات کے حوالے سے یوسف رضا گیلانی کا کہنا تھا کہ صبح جب مجھ سے سوال ہوا تھا تو میں نے کہا کہ ہم ضرور جیتیں گے، پریذائیڈنگ افسر حکومت کی اتحادی جماعت کا تھا۔ پریزائیڈنگ افسرغیر جانبدار  نہیں تھے۔صدرنےاپنی پارٹی کےسینیٹرکوپریزائیڈنگ افسر بنایا۔ میں نے کہا تھا 100فیصد ہم جیت جائیں گےکیونکہ ہمارے 50ووٹ کنفرم تھے۔