اپوزیشن ووٹ مسترد ہونے پر رو رہی ہے : فواد چوہدری

تفصیلات کے مطابق وفاقی وزیرفواد چودھری کا سینیٹ الیکشن میں اپوزیشن کی ناکامی کے بعد کہنا ہے کہ مسترد ووٹوں سےمتعلق اب قانونی بحث جاری ہے،آج اپوزیشن رو رہی ہے،عمران خان نے اوپن بیلٹ کا کہا تھا تواپوزیشن نے ہی ساتھ نہیں دیاتھا۔ اپوزیشن والے اصولوں پر نہیں کھڑے ہوئے۔

فواد چودھری نے مزید کہا کہ مسئلہ صرف 8کیسز کا ہے،مریم اور بلاول کے پاپا کا مقصد صرف 8 کیسز ختم کروانا ہے۔یوسف رضا گیلانی کی نااہلی کا فیصلہ بھی الیکشن کمیشن نے کرنا ہے۔

پی ڈی ایم کے پاس قانونی آپشنز موجود ہیں ان پر عمل کریں۔علی حیدر گیلانی سے پوچھیں کہ ووٹ کیسے مسترد ہوگئے۔

فواد چوہدری نے میڈیا سے گفتگو میں کہا کہ لگتا ہے اپوزیشن نے علی حیدر گیلانی کی ہدایت پر عمل کرتے ہوئے ووٹ مسترد کروائے۔پی ڈی ایم نےسارا دن کیمروں کی تلاش میں گزاردیا۔پی ڈی ایم والےاتنا وقت اپنے نمائندوں کو دیتے تو یہ دن نہ دیکھنا پڑتا،جب تک ہماری بنیادیں ٹھیک نہیں ہونگی تو فتح کسی کی نہیں ہوگی،اور اس سسٹم میں ایسا ہی ہوگا کہ کبھی کوئی جیتے گا یا کبھی کوئی۔