تحریک انصاف کی ماحولیاتی پالیسیوں کو عالمی سطح پر تسلیم کیا جا رہا ہے : وزیر اعظم

سماجی رابطے کی ویب سائٹ ٹوئٹر پر وزیر اعظم عمران خا ن نے اپنا پیغام جاری کرتے ہوئے کہا کو عالمی ادارے کورونا وبا کے دوران سرسبز پاکستان کے ایکشن پلان کے معترف ہیں۔ وزیر اعظم نے کہا کہ گرین ریکوری پروگرام اورکلائمیٹ ایکشن پلان کو عالمی سطح پر پزیرائی ملی۔ 

Globally PTI's environment policies are being recognised esp our green recovery programme from the Covid 19 pandemic and our Climate action plan. pic.twitter.com/cHuCzCj2yQ

— Imran Khan (@ImranKhanPTI) March 14, 2021

عمران خان نے اپنے پیغام کے ساتھ ورلڈ اکنامک فورم کی جانب سے پاکستان کی ماحول دوست کوششوں پر بنائی گئی ایک منٹ 21سیکنڈز کی ویڈیو بھی شیئر کی۔

 واضح رہے کہ تحریک انصاف کے جانب سے شجرکاری مہم کے ذریعے سوا ارب سے زائد درخت لگانے کا پروگرام ہے،  منصوبے کا ابتدائی تخمینہ 22 ارب روپے لگایا گیا تھا، تاہم پی ٹی آئی اے کے رہنما افتخار درانی کے مطابق ملکی تاریخ کی سب سے بڑی شجرکاری بلین ٹری منصوبہ صرف 13 ارب روپے میں مکمل کرلیا گیا ہے۔