عبدالرشید گوڈیل نے تحریک انصاف سے راہیں جدا کرلیں 

ذرائع کے مطابق  تحریک انصاف کے سینئر  رہنما اور سابق رکن قومی اسمبلی  عبدالرشید گوڈیل    گذشتہ ڈیڑھ سال سے غیر فعال اور گھر پر ہیں ۔  عبدالرشید گوڈیل کاکہنا ہے کہ  تحریک انصاف چھوڑ چکا ہوں ، اب سیاست سے کوئی تعلق نہیں ، سابق رکن قومی اسمبلی کاکہنا ہے کہ  تحریک انصاف چھوڑ کر کسی سیاسی پارٹی میں نہیں جارہا ، اپنے کاروبار پر دھیان دوں گا ۔ 

ذرائع کے مطابق   سابق رکن قومی اسمبلی کاکہنا ہے کہ  کراچی کی ترقی ، استحکام اور مسائل کے حل کے لیے تحریک انصاف میں شامل ہوا تھا ، وزیراعظم عمران خان کراچی کے لیے کچھ نہ کرسکے ،  تحریک انصاف سندھ میں تین گروپس کام کررہے ہیں جسکی وجہ سے پارٹی اور کارکنان کو نقصان پہنچ رہا ہے ۔ 

واضح رہے کہ رشید گوڈیل نے 2018 میں تحریک انصاف میں شمولیت اختیار کی تھی ۔  وہ پارٹی میں سینئیر نائب صدر کے عہدے پر بھی اپنی ذمے داریاں انجام دے چکے ہیں۔