خیبرپختونخوا کے مختلف علاقوں میں زلزلے کےشدید جھٹکے

پشاور:خیبرپختونخوا کے مختلف علاقوں میں زلزلے کے جھٹکے محسوس کئے گئےجس سے لوگوں میں خوف وہراس پھیل گیا اور وہ کلمہ طیبہ کا ورد کرتے ہوئے اپنے گھروں ،دکانوں اور دفاتر سے باہر نکل آئیں۔

زلزلے کے جھٹکے مالاکنڈ، دیر اور چترال سمیت بالائی علاقوں میں محسوس کئے گئے، زلزلے کے جھٹکے خیبر لنڈی کوتل اور مضافات میں بھی محسوس کئے گئے۔

زلزلہ پیما مرکز کے مطابق زلزلے کی شدت 5.7 اور گہرائی 12 کلومیٹر تھی، زلزلے کا مرکز ہندوکش افغانستان تھا۔

دوسری جانب ریسکیو حکا م کا کہنا ہے کہ ابھی تک زلزلے سے کسی بھی قسم کے جانی و مالی نقصانات کی اطلاعات نہیں ملیں۔