آسکر میں رض احمد نے تاریخ رقم کردی

پاکستانی نژاد برطانوی اداکاررض احمد نے آسکر میں تاریخ رقم کردی، فلمی دنیا کے سب سے بڑے ایوارڈ آسکرز کی 93 سالہ تاریخ میں بہترین اداکار کے طور پر نامزد ہونے والے وہ پہلےمسلمان اداکار بن گئے۔

رض احمد کو بہترین لائیو ایکشن شارٹ فلم کی کیٹیگری میں نامزد ’دی لانگ گڈ بائی‘ میں بہترین اداکاری کے جوہر دکھانے پر ایوارڈ سے نوازا گیا۔

گزشتہ  سال بہترین اداکار کی نامزدگی کے بعد یہ رض احمد کا پہلا اکیڈمی ایوارڈ ہے۔

39 سالہ اداکار  رض  احمد  کا پورا نام رضوان احمد ہے  ، ان کے والدین کا تعلق پاکستان سے ہے تاہم ان کی پیدائش انگلینڈ کے شہر لندن میں ہی ہوئی تھی۔ رز کے والد کا تعلق کراچی سے ہے جہاں سے وہ 1970 کی دہائی میں برطانیہ منتقل ہو گئے تھے۔

انہیں اپنی لمیٹڈ سیریز ’دی نائٹ آف‘ کے لیے بہترین اداکار کے ایوارڈ سے نوازا گیا تھا۔

ایمی ایوارڈ کے میلے میں رضوان احمد کو بہترین اداکار کا ایوارڈ کرائم ڈرامہ سیریز ’دا نائٹ آف‘ میں غیر معمولی اداکاری پرملا تھا،انہوں نے اس ڈرامے میں پاکستانی طالب علم کا کردار ادا کیا تھا۔   دلچسپ بات یہ ہے کہ رض احمد یہ ایوارڈ جیتنے والے ایشیاء کے پہلے اداکار کا اعزاز بھی حاصل کرچکے ہیں۔