سی ٹی ڈی نے دہشت گردی کا منصوبہ ناکام بنا دیا

تفصیلات کے مطاق محکمہ انسداد دہشت گردی( سی ٹی ڈی) نے کارروائی کرتے ہوئے پانچ دہشت گردوں کو گرفتار کرلیا۔سی ٹی ڈی کا کہنا ہے کہ  کارروائی میں بھاری مقدار میں بارودی مواد برآمد کیا گیا ہے۔کارروائی گھنٹہ گھر کے علاقے محلہ ہشکیان میں مکان کے اندرکی گئی۔

سی ٹی ڈی کے مطابق  دہشت گردوں میں تین کا تعلق پڑوسی ملک افغانستان سے ہے۔ بارودی مواد سرکاری املاک کو نقصان، فورسز اور سیاسی شخصیات کو نشانہ کی غرض سے جمع کیا گیا تھا۔

چند روز قبل  رینجرز اور کراچی پولیس نے انٹیلی جنس اطلاعات پر مشترکہ کارروائی کرتے ہوئے کالعدم تحریک طالبان پاکستان اور عالمی دہشت گرد تنظیم داعش کے 3 دہشت گرد گرفتار کرلیے تھے۔

ترجمان سندھ رینجرز کے مطابق گرفتار دہشت گردوں میں نور محمد عرف بیت اللّٰہ، حیات اللّٰہ اور خان بہادر عرف قاری باسط شامل ہیں۔رینجرز ترجمان کے مطابق اتحاد ٹاؤن سے گرفتار کیے گئے دہشت گرد فورسز پر کریکر حملوں اور بم دھماکوں میں ملوث تھے۔