میں حمزہ شہباز کے ساتھ کھڑی ہوں:مریم نواز

مائیکرو بلاگنگ ویب سائیٹ ٹوئیٹر پر جاری اپنے پیغام میں مریم نواز نے کہا کہ حمزہ شہباز کو پنجاب اسمبلی میں واضح اکثریت حاصل ہے۔

انہوں نے کہا کہ میں حمزہ شہباز کے ساتھ اظہار یکجہتی کے لیے پنجاب اسمبلی کے اجلاس میں شرکت کے لیے جاؤں گی۔

To stand with Hamza who clearly has the majority, I will be going to Punjab Assembly ijlaas at 7 Insha’Allah.

— Maryam Nawaz Sharif (@MaryamNSharif) April 6, 2022

واضح رہے کہ گزشتہ روز ڈپٹی اسپیکر نے پنجاب اسمبلی کا اجلاس 16 اپریل تک ملتوی کرنے کی منظوری دی تھی۔

بتایا گیا کہ پنجاب اسمبلی کا اجلاس ایوان میں توڑ پھوڑ کے بعد مرمت کے لیے مؤخر کیا گیا۔

پنجاب اسمبلی کے 6 اپریل کو ہونے والے اجلاس میں وزیراعلیٰ پنجاب کا انتخاب ہونا تھا جس کی صدارت ڈپٹی اسپیکر دوست محمد مزاری نے کرنی تھی، تاہم اجلاس سے پہلے ہی اسپیکر پنجب اسبلی نے رول 25 کے تحت ڈپٹی اسپیکر کے اختیارات ختم کر دیے ہیں۔