معروف کارگو کمپنی کا طیارہ ہنگامی لینڈنگ کے دوران تباہ

غیر ملکی خبررساں ادارے کے مطابق  طیارہ فنی خرابی کی وجہ سے ہنگامی لینڈنگ  کے دوران رن وے سے پھسل کر کر دور جا گرا اور تقریبا  دو ٹکڑوں میں تقسیم ہوگیا۔

تاہم خوش قسمتی سے کسی جانی نقصان کی اطلاع نہیں ملی، فائر فائٹر سروس کے مطابق  طیارے میں سوار عملے کے دو کریو ممبربالکل محفوظ ہیں ۔

رپورٹس کے مطابق جزیرہ بہاماس کے سان بوزے ایئرپورٹ سے غیرملکی کارگو  کمپنی کے حامل بوئنگ 757 طیارے نے گوئٹے مالا سٹی کے لیے مقامی وقت کے مطابق صبح 09:34 بجے اڑان بھری۔

 روانگی کے آٹھ منٹ بعد طیارے میں فنی خرابی پیدا ہوئی جس پر کنٹرول ٹاور نے پائلٹ کو واپس سان ہوزے ایئرپورٹ پر ہی لینڈ کرنے کی ہدایت کی۔ لینڈنگ کی تیاری کے دوران طیارہ ایئر پورٹ کے مغرب میں 20 منٹ تک فضا میں چکر کاٹتا رہا۔

اس دوران طیارے سے دھواں نکلنا شروع ہوا ، تاہم ایئرپورٹ کے  ہنگامی امداد  اور فائر بریگیڈ کے عملے نے مسلسل کولنگ کرنے کا عمل جاری رکھا جبکہ طیارے کے عملے کو بحفاظت نکال لیا گیا۔

واضح رہے کہ اسی کارگو کمپنی کا طیارہ چند ماہ قبل لاہور ایئر پورٹ کے رن وے پر ٹائر پھٹ جانے کی وجہ سے حادثے سے دوچار ہوا تھا۔