کراچی میں آج شدید گرمی کی پیشگوئی

تفصیلات کے مطابق  ملک کے سب سے بڑے شہر کراچی میں آج کادن پچھلے دنوں کے مقابلے میں زیادہ گرم گزرے گا ،  آج زیادہ سے زیادہ درجہ حرارت 39سے41ڈگری سینٹی گریڈ ریکارڈ کئے جانے کا امکان ہے ۔ 

محکمہ موسمیات ارلی وارننگ سینٹر  نے پیش گوئی کی ہے کہ صوبائی دارالحکومت کراچی میں تین روز کے دوران شہر میں مطلع گرم رہنے کی توقع  ہے ،  موجودہ درجہ حرارت35.5 ڈگری سینٹی گریڈ اور ہوا میں نمی کا تناسب27 فیصد ہے ، شہر کا کم سے کم درجہ حرارت 27.5ڈگری سینٹی گریڈ ریکارڈ کیا گیا۔

محکمہ موسمیات کے مطابق کراچی میں سمندری ہوائیں معمول کے مطابق نہیں چل رہیں، شمال مغرب کی سمت سے بلوچستان کی گرم اور خشک ہوائیں چل سکتی ہیں۔