پیکا آرڈیننس غیر قانونی قرار،اسلام آبادہائی کورٹ نے فیصلہ سنادیا

اسلام آباد ہائیکورٹ نے پیکا آرڈیننس کے خلاف فیصلہ سناتے ہوئے پیکا ایکٹ کی سیکشن 20 ہتک عزت کی حد تک خلاف آئین قرار دیا ہے۔

 اسلام آباد ہائیکورٹ کی جانب سے پیکا ایکٹ میں ہتک عزت کے تحت سزا بھی خلاف آئین قرار دے دی گئی ہے۔

عدالتی فیصلے کے مطابق پیکا ترمیمی آرڈیننس سے متاثر افراد متعلقہ فورم سے رجوع کر سکتے ہیں۔

فیصلے میں کہا گیا ہے کہ پیکا قانون میں ترامیم آئین کے آرٹیکل نو،چودہ، انیس اے کے خلاف ہیں۔

عدالت امید کرتی ہے کہ وفاقی حکومت تک عزت آرڈیننس 2022ء پر نظرثانی کرے گی۔

فیصلے میں یہ بھی کہا گیا کہ سیکرٹری داخلہ ایف آئی اے سائبر کرائم ونگ کی بنیادی انسانی حقوق کی خلاف ورزیوں پر تحقیقات کریں۔

سیکرٹری داخلہ کو فیصلے کی مصدقہ کاپی ملنے کے بعد 13 روز میں اپنی تحقیقات مکمل کرنے کا حکم دیا گیا ہے۔

عدالت نے کہا کہ اختیارات کا بڑے پیمانے پر غلط استعمال ہوا جس نتیجے میں شہریوں کے بنیادی حقوق کی سنگین خلاف ورزیاں ہوئیں۔