رواں سال  کا پہلا سورج گرہن 30 اپریل کوہوگا

تفصیلات کے مطابق یہ سورج گرہن جزوی نوعیت کا ہو گا جو براعظم انٹارکٹیکا، لاطینی امریکا کے جنوبی حصے، بحر الکاہل اور بحر اوقیانوس میں دیکھا جا سکے گا۔

گرینچ کے وقت کے مطابق سورج گرہن کا آغاز شام 6:45 پر ہو گا،  رات 8:41 پر یہ انتہائی درجے پر ہو گا اور رات 10:37 پر یہ گرہن اختتام پذیر ہو جائے گا۔

مذکورہ گرہن میں چاند انتہائی درجے میں سورج کے 54فیصد حصے کو چھپا لے گا۔ رواں سال کا یہ سورج گرہن پاکستان میں دکھائی نہیں دے گا ۔ 

رواں سال کا دوسرا سورج گرہن 25 اکتوبر کو ہو گا ۔  دوسرا سورج گرہن یورپ، مغربی ایشیا ، شمالی آسٹریلیا،اور جنوبی ایشیا کے کچھ حصوں میں دیکھا جاسکے گا۔

یاد رہے کہ محکمہ موسمیات کے مطابق سال 2022 میں 2سورج اور 2 چاند گرہن ہوں گے۔

خیال رہے کہ چاند کی زمین کے گرد گردش کے دوران ایسے مواقع آتے ہیں جب یہ سورج اور ہمارے سیارے کے درمیان آ جائے تو یہ سورج کی روشنی کو زمین تک پہنچنے سے روک دیتا ہے اور یوں سورج کو گرہن لگ جاتا ہے ۔ دوسرے لفظوں میں چاند زمین کی سطح پر اپنا عکس ڈال دیتا ہے۔