نیب ترمیمی آرڈیننس سے فیض یاب ملزمان کی سنچری مکمل

ترمیمی آرڈیننس سے نیب راولپنڈی کے 25 ارب روپے مالیت کے ریفرنس ختم، 103 ملزمان کے خلاف اسلام آباد کی احتساب عدالتوں نے مقدمات ختم کر دیے۔

میڈیا ذرائع کے مطابق گزشتہ حکومت کے آرڈیننس سے ای او بی آئی اسکینڈل، توقیر صادق تعیناتی کیس نیب کو واپس ہو گئے ہیں۔

سابق وزیراعظم شوکت عزیز، سابق سیکرٹری پانی شاہد رفیق بھی بچ نکلے، سید پور ویلج کی اراضی ہتھیانے کے ملزم حیات مندوخیل کے خلاف بھی کیس خارج۔ 

ادویات کی قیمتوں میں مصنوعی اضافے کے ملزم سابق سیکرٹری قانون ارشد فاروق بھی بری ہو گئے ہیں۔ ارشد فاروق فہیم پر ادویات بنانے والی کمپنیوں کونوازنے کا الزام تھا۔

پی ٹی اے کے ساتھ 21 ارب غبن کیس میں ٹیلی کام کمپنی کے افسران جاوید فیروز، شاہد فیروز بھی بری ہو گئے جبکہ بینک کرپشن کیس میں حیات اللہ بنگش کیخلاف کیس ترمیمی آرڈیننس کے تحت ختم ہو گئے ہیں۔

ہاؤسنگ سوسائٹی فراڈ کیس میں ڈاکٹر فرزانہ، سردار کیناف اور سید اشفاق حسین شاہ بھی بری، جعلی این او سی سے سرکاری رقوم نکلوانے کے 5 ملزم دائرہ اختیار ختم ہونےپر بری۔

علاوہ ازیں لیاقت قائم خانی اور آصف زرداری ترمیمی آرڈیننس کے تحت ایک، ایک کیس میں ضمانت لے چکے۔