چیئرمین تحریک انصاف نے وزیر اعلیٰ پنجاب کے انتخاب کو مسترد کر دیا

سابق وزیر اعظم عمران خان نے سماجی رابطے کی ویب سائیٹ ٹوئیٹر پر جاری اپنے پیغام میں وزیر اعلیٰ پنجاب کے انتخاب کو یکسر مسترد کر دیا ہے۔

انہوں نے کہا کہ انتخاب کے انعقاد کے لیے کوئی بھی شخص صدارت کی کرسی  پر موجود نہ تھا جو کہ اقدار سے کھلا انحراف ہے۔

چیئرمین تحریک انصاف نے کہا کہ پنجاب اسمبلی میں جو کچھ ہوا وہ دستوری دفعات اور جمہوری اقدار سے یکسرمتصادم اور نہایت قابلِ مذمت تھا۔

انہوں نے کہا کہ مافیا کے زیرِ تسلط اس انتخابی ڈھکوسلے، جعلی انتخاب کو ہم یکسر مسترد کرتے ہیں۔

پنجاب اسمبلی میں جو کچھ ہوا وہ دستوری دفعات،جمہوری اقدارسےیکسرمتصادم اور نہایت قابلِ مذمت تھا۔انتخاب کےانعقادکیلئےکوئی بھی شخص کرسئ صدارت پر موجود نہ تھا جو اقدار سےکھلا انحراف ہے۔مافیا کےزیرِتسلط اس انتخابی ڈھکوسلے/جعلی انتخاب کو ہم یکسر مسترد کرتےہیں۔#امپورٹڈ_حکومت_نامنظور

— Imran Khan (@ImranKhanPTI) April 17, 2022

واضح رہے کہ گزشتہ روز پنجاب اسمبلی میں حمزہ شہباز 197 ووٹ لے کر وزیر اعلیٰ پنجاب منتخب ہوئے تھے، جس پر گورنر پنجاب  نے حمزہ شہباز کی تقریب حلف برداری مؤخر کر دی ہے۔

عمر سرفراز چیمہ کا کہنا ہے کہ میرے پاس معلومات آئیں تو میں نے رپورٹ منگوائی جس کی روشنی میں تقریب حلف برداری کو مؤخر کیا ہے۔