چیئرمین جوائنٹ چیفس آف اسٹاف کمیٹی جنرل ندیم رضا کی دورہ عراق میں اہم ملاقاتیں

آئی ایس پی آر کے مطابق چئیرمین جوائنٹ چیفس آف سٹاف کمیٹی جنرل ندیم رضا نے عراق کا دورہ کیا  ہے ، جہاں انہوں نے عراقی  وزیردفاع    جمعہ اناد سعدون ، چیف آف سٹاف جنرل عبدالامیر اور  کمانڈر عراقی ائرفورس لیفٹننٹ جنرل شہاب علی سے ملاقاتیں کیں،  دورے کے دوران ان اہم ملاقاتوں میں  سیکیورٹی، دفاعی  تعاون اور خطے کی صورتحال پر بات چیت  کی گئی  ۔ ملاقاتوں میں دوطرفہ تعلقات  کومزید مضبوط بنانے کےعزم کا اعادہ کیا گیا ۔

آئی ایس پی آر کے مطابق چیئرمین جوائنٹ چیفس آف اسٹاف کمیٹی جنرل ندیم رضا نے ڈیفنس یونیورسٹی فار ہائیر ملٹری سٹڈیز کا بھی دورہ کیا۔ جنرل ندیم رضا کی یونیورسٹی ریکٹرلیفٹننٹ جنرل سعد ہاشم سے  ملاقات کی  ، یونیورسٹی کے ریکٹر سے ملاقات میں جنرل ندیم رضا نے دہشت گردی ، تشدد اورانتہا پسندی کے خلاف پاکستان کے مثبت کردار پر کردارپرروشنی ڈالی۔جنرل ندیم رضا نے خطے  بالخصوص افغانستان میں امن واستحکام کےپاکستانی کاوشوں سے آگاہ کیا۔

آئی ایس پی آر کے مطابق جنرل ندیم رضا کو وزارت دفاع آمد پر گارڈ آف آنر پیش کیا گیا۔