بھارتی ریسلر ریتیکا پھوگاٹ نے خودکشی کر لی

بھارتی میڈیا رپورٹس کے مطابق معروف ریسلرز گیتا پھوگاٹ اور ببیتا پھوگاٹ کی ماموں زاد بہن رتیکا پھوگاٹ کو راجھستان میں منعقدہ کُشتی ٹورنامنٹ کے فائنل مقابلے میں صرف ایک پوائنٹ سے  ناکامی ہوئی جس پر وہ کافی دلبرداشتہ تھیں۔ 17سالہ ریتیکا اپنے تایا کے گھر میں مقیم تھیں   جہاں شکست کے ایک روز بعد پنکھے سے لٹک کراس نے  اپنی زندگی کا خاتمہ کرلیا۔پولیس نے معاملے کی تحقیقات شروع کردی ہیں۔

بھارتی ریسلرز گیتا اور ببیتا پھوگٹ نے اپنی کم عمر کزن کی  خودکشی پر سوشل میڈیا پر جذباتی انداز میں افسوس کا اظہار کیا ہے۔  گیتا پھوگاٹ نے اپنی انسٹاگرام پوسٹ میں تصدیق کرتے ہوئے لکھا   کہ میرے  خاندان  کیلئے یہ ایک افسوسناک موقع ہے۔ رتیکا ایک بہادر، نڈر، ہونہار اور ذہین ریسلر تھی ہمیں نہیں معلوم کہ اس نے یہ قدم کیوں اٹھایا۔ گیتا  کاکہنا تھا  کہ ہار جیت زندگی کا حصہ ہے لیکن ہمیں اس طرح کے انتہائی  اقدامات نہیں اٹھانا چاہیئے۔

ریتیکا  نے سوگواران میں   والد ، والدہ اور چار چھوٹے بہن بھا ئی چھوڑے ہیں۔ ان کا خاندان  راجستھان ضلع  کے جیت پورگاؤں میں رہائش پذیر ہے ۔