وزیرِ اعظم  سے سابق وزیراعلی گلگت بلتستان  کی ملاقات

تفصیلات کے مطابق سابق وزیراعلیٰ گلگت بلتستان  حافظ حفیظ الرحمٰن نے وزیراعظم کو منصب سنبھالنے پر مبارکباد پیش کرتے  ہوئے   کہا کہ چلاس میں عالمی معیار کی سہولتوں سے آراستہ  اسپتال کی منظوری پر وہ وزیراعظم کے شکر گزار ہیں۔

انہوں نے کہا کہ ٹریفک کی سارا سال روانی کیلئے بابو سر ٹنل کی منظوری سے نہ ‏صرف سیاحت کو فروغ ملے گا بلکہ مقامی آبادی کی آمدورفت و ‏معاشی سرگرمیاں سارا سال بلا تعطل جاری رہیں گی۔

وزیراعظم شہباز شریف نے کہا کہ ہماری حکومت کی اولین ترجیح عوام کی خدمت ہے،4 سال کے سیاہ دورمیں عوامی فلاحی منصوبوں کو نظر انداز کیا گیا۔

وزیراعظم  کا مزید کہنا تھا کہ ان شاء اللّٰہ ملک و قوم کی خدمت کا سفر اب تیزی سے جاری رہے گا۔

حافظ  حفیظ الرحمن  نے دیامر بھاشا ڈیم کی تعمیر کو 2029 کی بجائے 2026 میں مکمل ‏کرنے کی ہدایات پر وزیرِ اعظم شہباز شریف ‏کو خراجِ تحسین پیش کیا ۔