پریانتھا کمارا قتل کیس :عدالت نے6 مجرموں کو سزائے موت سنادی

تفصیلات کے مطابق انسداد دہشت گردی عدالت نے سیالکوٹ میں ہونے والے سری لنکن شہری پریانتھا کمارا قتل کیس کا فیصلہ سنا دیا ہے۔

میڈیا رپورٹس کے مطابق انسداد دہشت گردی کی عدالت نے پریانتھا کمارا قتل کیس میں 6 مجرموں کو سزائے موت سنادی ہے۔

عدالت فیصلے کے مطابق 7 مجرموں کو عمر قید جبکہ 76 مجرموں کو 2، 2 سال قید کی سزا سنائی گئی ہے۔

عدالت نے کوٹ لکھپت جیل میں علیحدہ علیحدہ ٹرائل کیے جن میں پراسکیوشن ٹیم کی جانب سے 48 چشم دید گواہان اور ویڈیو ایوڈینس پیش کیے گئے۔

گواہان کے بیانات قلمبند کرنے اور فریقین کے دلائل مکمل ہونے پر عدالت نے فیصلہ محفوظ کر لیا تھا جو کہ اب سنا دیا گیا ہے۔

یاد رہے کہ 3 دسمبر2021ء کو سیالکوٹ میں مشتعل ہجوم نے سری لنکن شہری جو کہ مقامی فیکٹری کا منیجر تھا اس بہیمانہ تشدد کر کے قتل کر دیا تھا

مشتعل ہجوم نے لنکن شہری پر توہین مذہب کا الزام عائد کر کے اس پر بری طرح تشدد کیا اور لاش کو نذرِ آتش کر دیا تھا۔

سری لنکن شہری کے سفاکانہ قتل کے بعد ملک بھر سے شدید رد عمل سامنے آیا تھا جس پر حکومت نے ملوث افراد کو کڑی سزائیں دلوانے کا اعلان کیا تھا۔