ٹی ٹونٹی ورلڈ کپ کیلئے بھارت نہ جانے کا معاملہ، بنگلہ دیش کا پاکستانی حکومت سے رابطہ کر لیا

ڈھاکا:بنگلہ دیش کرکٹ ٹیم کا آئی سی سی ٹی ٹونٹی ورلڈ کپ کے لیے بھارت نہ جانے کے معاملے پر بنگلہ دیشی حکومت نے پاکستانی حکومت سے رابطہ کیا ہے۔

حکومتی ذرائع کے مطابق بنگلہ دیش کا مسئلہ حل نہ کیا گیا تو پاکستان ٹی ٹونٹی ورلڈ کپ میں شرکت کے فیصلے کا جائزہ لے گا۔ 

پاکستان نے موقف اختیار کیا ہے کہ انڈیا کو کسی ملک کو ڈرانے دھمکانے کی اجازت نہیں دی جا سکتی، بنگلا دیش کی معقول اور درست وجوہات ہیں اور ان پر عمل درآمد ہونا چاہیے۔

ذرائع کے مطابق پاکستان نے بنگلا دیش کو اس معاملے پر مکمل اسپورٹ کرنے کی یقین دہانی کرائی ہے۔

خیال رہے کہ بنگلا دیش کرکٹ بورڈ(بی سی بی) نے آئی سی سی سے سیکیورٹی خدشات کے باعث بھارت سے میچز منتقل کرنے کی درخواست کر رکھی ہے۔