آرمی چیف سے سری لنکن آرمی کے چیف آف ڈیفنس اسٹاف کی ملاقات

پاکستانی فوج کے شعبہ تعلقات عامہ (آئی ایس پی آر) کے مطابق  آرمی چیف جنرل قمر جاوید باجوہ سے سری لنکن آرمی کے چیف آف ڈیفنس سٹاف کی  ملاقات ہوئی ۔ ملاقات میں علاقائی سلامتی سمیت باہمی دلچسپی کے امور پر تبادلہ خیال کیا گیا دونوں ممالک کے مابین فوجی تعاون میں وسعت پر بھی تفصیلی گفتگو کی گئی۔

آئی ایس پی آر کے مطابق  جنرل سلوا نے پاکستان کی افغان امن عمل سمیت علاقائی امن و استحکام کیلئے کردار کو سراہا ۔جنرل سلوا نے کہا کہ  پاکستان اور سری لنکا کے مابین باہمی تعلقات میں مزید وسعت لائی جائے گی۔

آئی ایس پی آر کا کہنا ہے کہ  جنرل سلوا کی جی ایچ کیو آمد پر یادگار شہداء پر حاضری، پھولوں کی چادر چڑھائی،  پاک آرمی کے چاق و چوبند دستے نے جنرل سلوا کو گارڈ آف آنر پیش کیا۔