محکمہ موسمیات نے کل سے ملک میں بارشوں کی پیشگوئی کر دی

تفصیلات کے مطابق محکمہ موسمیات کے مطابق  ملک کے مختلف حصوں میں بارش کی پیش گوئی کے بعد سرد اور میدانی علاقوں میں موسم تبدیل ہونے جارہا ہے ،  محکمہ موسمیات کا  کہنا ہے  کہ مغربی ہواؤں کا سلسلہ ہفتے کی شب پاکستان میں داخل ہو گا اوراتوار کو بالائی اور وسطی علاقوں میں  پھیلے گا ،  جس کے زیر اثر کوئٹہ،ژوب، سبی، شہید بینظیر آباد، جیکب آباد، سکھر ،لاڑکانہ،کشمیر ،گلگت بلتستان ، چترال، ایبٹ آباد، پشاور، ڈیرہ اسماعیل خان، اسلام آباد، راولپنڈی ، جہلم، ڈی جی خان ،ملتان، ساہیوال، بھکر ،سرگودھا، خوشاب، فیصل آباد، سیالکوٹ اورجھنگ میں بارش  کا امکان ہے ۔

محکمہ موسمیات کے مطابق پیر اور منگل کو خیبرپختونخوا ، گلگت بلتستان اور کشمیر میں لینڈ سلائیڈنگ کا خدشہ ہے جبکہ  23 مارچ کی صبح بھی لاہور، اسلام آباد، راولپنڈی اور پشاور میں بارش کا امکان ہے۔  ہزارہ ڈویژن، کوہستان، سوات، چترال میں بارش کا امکان ہے جبکہ دیر، شانگلہ، بونیر، کوہاٹ اور پشاور میں بھی موسلادھار بارش کی پیش گوئی کی گئی ہے۔