کرپشن کے خلاف وزیر اعلیٰ پنجاب کا بڑا ایکشن

جی این این کے مطابق وزیراعلیٰ پنجاب سردار عثمان بزدار کی کرپشن کے خلاف زیر وٹالرنس کی پالیسی سامنے آگئی ، وزیراعلیٰ عثمان بزدار نے قصور کے ڈسٹرکٹ ٹریفک آفیسر کے خلاف کرپشن کی شکایات کا سخت نوٹس لیتے ہوئے، ڈی ایس پی نعیم احمد چیمہ کو معطل کر دیا ۔ جبکہ محکمے کی جاب سے ان کی معطلی کا نوٹیفکیشن جاری کر دیاگیا ہے۔ وزیراعلیٰ نے معطل ڈی ایس پی نعیم احمد چیمہ کے خلاف محکمانہ کارروائی کا بھی حکم دیا ، انٹرنل اکاؤنٹیبلٹی برانچ کی تحقیقات کی روشنی میں معطل ڈی ایس پی کے خلاف کیس انٹی کرپشن کو بھجوایا جائے گا۔ 

وزیراعلیٰ پنجاب عثمان بزدار کا کہنا ہے کہ کرپشن کے ناسور نے ملک کی بنیادوں کو کھوکھلا کیا، کرپشن کرنا نہ صرف ملک اور قوم سے غداری کے مترادف ہے بلکہ یہ ناقابل برداشت جرم بھی ہے تاہم ماضی کی حکومتوں نے کرپشن کو پنپنے دیا۔عثمان بزدار نے کہا کہ پنجاب کو کرپشن فری بنانا میرا مشن ہے، کرپٹ افسروں اور اہلکاروں کے لئے پنجاب میں کوئی جگہ نہیں جب کہ کرپشن کے خلاف بلاامتیاز زیرو ٹالرنس کی پالیسی جاری رہے گی۔