آئمہ بیگ نے اداکار شہباز شگری کے ساتھ منگنی کر لی

آئمہ بیگ نے سماجی رابطے کی ویب سائٹ انسٹاگرام پر موجود اپنے تصدیق شدہ اکاؤنٹ پر ایک تصویر شیئر کی جس میں صرف گلوکار کا ہاتھ نظر آرہا ہے۔انسٹاگرام پر شیئر کی گئی تصویر میں آئمہ بیگ نے ڈائمنڈ کی خوبصورت انگوٹھی پہنی ہوئی ہے جو اُن کی منگنی کی ہے۔آئمہ بیگ نے تصویر کے کیپشن میں انگوٹھی والا ایموجی بناتے ہوئے اپنے منگیتر شہباز شگری کو ٹیگ کیا۔

آئمہ بیگ کی اس پوسٹ پر جہاں اُن کے مداح اُن کے لیے نیک خواہشات کا اظہار کررہے ہیں تو وہیں شوبز ستارے بھی آئمہ بیگ اور شہباز شگری کو منگنی کی مبارکباد دے رہے ہیں۔

واضح رہے کہ شہباز شگری اور آئمہ بیگ کچھ عرصے سے ساتھ ہیں اور ایک دوسرے کے ساتھ سوشل میڈیا پر تصاویر بھی شیئر کرتے ہیں۔آئمہ بیگ نے گزشتہ برس ستمبر میں مارننگ شو ہوسٹ ندا یاسر کے شو میں شہباز شگری سے تعلق کی تصدیق کی تھی۔انہوں نے بتایا تھا کہ 'پرے ہٹ لو' کے گانے کی ریکارڈنگ کے دوران ان کی شہباز شگری سے ملاقات ہوئی تھی۔شہباز شگری سے شادی سے متعلق سوال پر انہوں کہا تھا کہ ان دنوں ہم دونوں بہت مصروف ہیں جیسے ہی مصروفیات کم ہوئیں تو شادی کرنے کا سوچیں گے۔