ملک بھر میں وسیع پیمانے پر لاک ڈاؤن لگانے کا فیصلہ

 تفصیلات کے مطابق این او سی کے اجلاس میں فیصلہ کیا گیا ہے کہ ملک بھر میں وسیع پیمانے پر لاک ڈاؤن نافذ  ہو گا ، پورے ملک میں ان ڈور ڈائننگ پر مکمل پر پابندی ، آوٹ ڈور ڈائننگ کی اجازت رات 10 بجے تک ہوگی۔

تمام کمرشل سرگرمیاں رات 8 بجے تک بند کرنے کی ہدایات جاری کردی گئیں، ہفتہ میں دو روز کاروبار مکمل طور پر بند رکھا جائے گا  جبکہ کاروبار کی بندش کے دن کا فیصلہ صوبے کریں گے۔آؤٹ ڈور میں300افراد کے اجتماع کی اجازت ہوگی،تمام ثقافتی ، میوزیکل اور مذہبی اِن ڈور سرگرمیوں پر پابندی ہو گی،سینما اور مزارات مکمل طور پر بند رہیں گے۔

تفریحی پارک بند ، واکنگ اور جوگنگ ٹریکس ایس او پیز کے ساتھ کھلیں گے۔سرکاری و نجی اداروں اور عدالتوں میں 50 فیصد عملے کیساتھ کام کی پالیسی برقرار رہے گی۔

شہروں کےدرمیان ٹرانسپورٹ 50فیصد سواریوں کے ساتھ مشروط ہوگی۔ ریل سروس 70 فیصد استعداد کے ساتھ جاری رکھی جائے گی۔انفورسمنٹ کیلئے لئے گئے اقدامات کے دوران ایس او پیز پر عمل کرنا ہوگا۔

این سی او سی کے مطابق سیاحتی مقامات پر داخلے کیلئے مخصوص انٹری پوائنٹ بنائے جائیں گے،کورونا کی خلاف ورزی پر ہونے والی سزاؤں کی تشہیر کی جائے گی،اجلاس میں کئے گئے فیصلے 11 اپریل تک نافذ العمل رہیں گے۔

فیصلوں پر نظر ثانی کیلئے این سی او سی کا اجلاس 7 اپریل کو بلایا جائے گا جبکہ تعلیمی اداروں کی بندش کے حوالے سےاجلاس 24مارچ کو ہوگا۔