پرویز الہٰی کے خلاف تحریک عدم اعتماد دوبارہ جمع

ن لیگ نے پرویزا لہٰی کے خلاف تحریک عدم اعتماد اسمبلی سیکریٹریٹ میں جمع کرائی گئی۔

تحریک عدم اعتماد پر خلیل طاہر سندھو ، میاں رؤف، سمیع اللہ خان اور مرزا جاوید کے دستخط ہیں۔

اس سے قبل ن لیگی رکن خلیل طاہر سندھو نے پرویز الہٰی کے خلاف دوبارہ تحریک عدم اعتماد جمع کرانے کا اعلان کیا تھا۔

پنجاب اسمبلی کا آج کا اجلاس صرف 9 منٹ ہی چل سکا، محرک کی عدم موجودگی پر اسپیکر کے خلاف تحریک عدم اعتماد نمٹادی گئی تھی۔

چیئرمین پینل وسیم خان بادوزئی نے اجلاس کی کارروائی حکومتی بینچوں پر ارکان کی عدم موجودگی کے باوجود شروع کردی۔

اس دوران تحریک عدم کے محرک سمیع اللّٰہ خان کا نام بار بار پکارا گیا، لیکن وہ اسمبلی میں موجود نہ تھے۔