بلاول بھٹو اور مریم نواز میں خلیج مزید گہری ، بلاول کا لیگی کی قیادت کو کرارا جواب

چیئرمین پیپلزپارٹی بلاول بھٹو نے میڈیا سے گفتگو  کی ، ایک صحافی کے سوال"   مریم نواز نے ٹویٹ میں سلیکٹڈ کس کو کہا؟" تو انہوں نے جواب دیا کہ مسلم لیگ ن کی نائب صدر کو جواب دینا ہوتا تو اپنی پارٹی کے نائب صدر کو کہتا جواب دیں۔انہوں نے کہا کہ   ہماری رگوں میں سلیکٹ ہونے کا خون شامل نہیں ہے۔ لاہور سے کوئی دوسرا سیاسی خاندان ہے جو سلیکٹ ہوتا رہا ہے۔

باول بھٹو نے مزید کہا کہ لانگ مارچ ملتوی نہیں ہونا چاہیے تھا۔چیئرمین پیپلزپارٹی نے سوال اٹھاتے ہوئے کہا کہ   استعفوں کو لانگ مارچ سے منسلک کرنے کا آئیڈیا کس کا تھا؟۔ سینیٹ میں اپوزیشن لیڈر کے معاملے پر بھی ڈٹ گئے اور کہا کہ جس کی اکثریت ہو اپوزیشن لیڈر اس جماعت کا ہونا چاہیے۔