مریم نواز کی نیب میں پیشی، نیب لاہور کا رینجرز سے معاونت حاصل کرنے کا فیصلہ

تفصیلات کے مطابق  مسلم لیگ ن کی نائب صدر مریم نواز کی نیب پیشی کے  معاملہ پر  نیب نے پولیس اور رینجرز کی معاونت حاصل کرنے کا فیصلہ کیا ہے۔نیب کا کہنا ہے کہ  سکیورٹی خدشات کے پیش نظر نیب لاہور کو ریڈ زون (Red Zone) ڈکلیئر کرنے کی متعلقہ حکام سے قانون کے مطابق درخواست کی جا رہی ہے ۔

ترجمان نیب کا کہنا ہے کہ   میڈیا رپورٹس کے مطابق پر26مارچ کی پیشی کے موقع پر  بعض عناصر آئین کے مطابق سرکاری فرائض کی انجام دہی میں مبینہ طور پر رکاوٹ پیدا کرنے کی کوشش کر رہے ہیں اور  نیب لاہور کی عمارت کو نقصان پہنچانے کی اطلاعات  ہیں ۔

نیب کا کہنا ہے کہ  کسی دھمکی یا دباؤ کی پرواہ کئے بغیر ہمیشہ آئین اور قانون کے مطابق کام کیا ہے ، ملک سے بد عنوانی کے خاتمہ اور بدعنوان عناصر سے عوام کی اربوں روپے کی لوٹی گئی رقوم کی واپسی کیلئے اپنا کردار ادا کرتا رہے گا،نیب انسداد بد عنوانی کا قومی ادارہ ہے، نیب کا تعلق کسی سیاسی جماعت، گروہ یا فرد سے نہیں ہے بلکہ صرف اور صرف ریاست پاکستان سے ہے ۔