برطانیہ جانیوالے مسافروں کیلئے اچھی خبر

تفصیلات کے مطابق  برطانیہ جانیوالے مسافروں کے لئے اچھی خبر، پاکستان انٹرنیشنل ایئرلائنز ( پی آئی اے) نے مانچسٹر کے لئے دو طرفہ چارٹرپروازوں میں اضافہ کردیا۔پی آئی اے اسلام آباد مانچسٹر اور اسلام آباد کے لئے ہفتہ وار 5پروازیں آپریٹ کریگی۔پی آئی اے 2اپریل سے11اپریل تک مانچسٹر کیلئے پروازیں روانہ ہوگی۔ہائی فلائی چارٹرڈ کمپنی کے ذریعے پروازیں آپریٹ کی جائیں گی۔

پی آئی اے انتظامیہ  کا کہنا ہے کہ   پی آئی اے مانچسٹر کے لئے ہفتہ وار2پروازیں آپریٹ کر رہی تھی،چارٹرڈ پروازوں کے ذریعے ہم وطنوں کو سفری سہولت مہیا کی جائیں گی،پی آئی اے اسلام آباد اور لندن کیلئے بھی دو طرفہ چارٹرڈ پروازیں اپریل کے وسط میں شروع کریگی۔