دنیا

امریکا : چرچ میں فائرنگ سے3 افراد ہلاک

نیویارک : امریکا میں فائرنگ کا ایک اور واقعہ ، ریاست لوا میں چرچ کے باہر فائرنگ سے 3افراد ہلاک ہو گئے۔

2 سال پہلے 03 جون 2022 - 09:17 صبح

پر شائع ہوا

ویب ڈیسک

کی طرف سے

جی این این میڈیا: نمائندہ تصویر

غیر ملکی میڈیا کے مطابق امریکی ریاست لوا کے شہر ایمنز میں چرچ کی پارکنگ میں فائرنگ کا یہ واقعہ شام سات بجے پیش آیا ۔ پولیس کے مطابق ہلاک ہونے والوں میں حملہ آور بھی شامل ہے ، حملہ آور کی فائرنگ سے ہلاک ہونے والوں میں دو خواتین بھی شامل ہیں، جبکہ وسکوسن میں بھی فائرنگ سے 3 افراد زخمی ہو گئے۔

خیال رہے کہ رواں ہفتے امریکا میں فائرنگ کا یہ دوسرا واقعہ ہے ، گزشتہ روز ریاست اوکلوہاما کے ہسپتال میں فائرنگ سے 4افراد ہلاک جبکہ متعدد زخمی ہوگئے تھے ۔

امریکا میں 2022 میں فائرنگ کے واقعات میں 18 ہزار سے زائد افراد ہلاک ہوئے۔ جبکہ گزشتہ ہفتے اسکول ، یونیورسٹی اور اسپتال میں فائرنگ سے 22 سے زائد افراد ہلاک ہو چکے ہیں ۔

امریکی ریاست ٹیکساس کے ایک پرائمری سکول میں مسلح لڑکے کی فائرنگ سے 19 بچوں سمیت 21 افراد ہلاک ہو گئے تھے ۔

دوسری جانب امریکی صدر جوبائیڈن نے امریکی کانگریس سے ہتھیاروں پر پابندی عائد کرنے کا مطالبہ کیا ہے۔ اس حوالے سے امریکی صدر کا کہنا ہے کہا کہ فائرنگ کے سلسلے سے نمٹنے کیلئے گن کنٹرول کے اقدامات کو لاگو کیا جائے ، ہم اور کتنا قتل عام قبول کرنے کو تیار ہیں ؟ گن کنٹرول کے بل میں ری پبلکن ساتھ دیں، امریکا میں نوجوانوں کی ذہنی صحت کا شدید بحران ہے ، اس سے متعلق ضروری اقدامات اٹھانے ہونگے ۔

اگلی خبر

وزارت مذہبی امور نے حج پروازوں کا شیڈول جاری کردیا

مس نہ کریں

شمالی وزیرستان : فوجی چوکی پر دہشتگردوں کا حملہ ، پاک فوج کا سپاہی شہید

پڑھنا جاری رکھیں

پاکستان

اے این پی رہنماالیاس احمد بلور انتقال کر گئے

الیاس احمد بلور کئی ماہ سے پشاور کے نجی اسپتال میں زیر علاج تھے اور گردوں کے مرض میں مبتلا تھے

10 گھنٹے پہلے 16 نومبر 2024 - 10:19 صبح

پر شائع ہوا

ویب ڈیسک

کی طرف سے

اے این پی رہنماالیاس احمد بلور انتقال کر گئے

عوامی نیشنل پارٹی کے رہنما اور سابق سینیٹر الیاس احمد بلور انتقال کر گئے۔

الیاس بلور کے بھائی اور سینئر رہنما اے این پی غلام بلور کے مطابق مرحوم الیاس احمد بلور کئی ماہ سے پشاور کے نجی اسپتال میں زیر علاج تھے اور گردوں کے مرض میں مبتلا تھے،اور آج صبح 4 بجے ان کا انتقال ہو گیا، الیاس احمد بلور کی عمر 84 برس تھی۔

رہنما اے این پی ثمر ہارون بلور نے الیاس بلور کے انتقال کی تصدیق کرتے ہوئے بتایا کہ الیاس بلور کی نماز جنازہ کل دوپہر 2 بجے وزیر باغ پشاور میں ادا کی جائے گی،الیاس بلور، غلام بلورکے بھائی اور غضفر بلور کے والد تھے۔

پڑھنا جاری رکھیں

تجارت

عالمی و ملکی مارکیٹ میں سونے کی قیمت میں معموملی کمی

فی تولہ سونے کی قیمت 300 روپے کی کمی سے 267400روپے کی سطح پر آگئی

5 گھنٹے پہلے 16 نومبر 2024 - 03:22 شام

پر شائع ہوا

ویب ڈیسک

کی طرف سے

عالمی و ملکی مارکیٹ میں سونے کی قیمت میں معموملی کمی

آل پاکستان جیمز اینڈ ایسوسی ایشن کے مطابق مقامی صرافہ بازاروں میں سونے کی قیمت میں معمولی کمی دیکھنے کو ملی ہے، 24 گرام سونے کی قیمت میں300 روپے کی کمی ہوئی ہے جس کے بعد سونے کی نئی قیمت 2 لاکھ 67 ہزار 400 روپے ہوگئی ہے۔

جبکہ 10گرام سونے کی قیمت 258 روپے کم ہو کر 2 لاکھ 29 ہزار 252 روپے ہوگئی ہے۔

دوسری طرف عالمی مارکیٹ میں سونے کی قیمت میں 3 ڈالر کی کمی ہوئی ہے جس کے بعد سونے کی قیمت 2562 ڈالر فی اونس ہو گئی ہے۔

پڑھنا جاری رکھیں