وزیراعظم آفس نے احد چیمہ کا استعفیٰ منظور کرلیا

اسلام آباد:وزیراعظم آفس نے احد چیمہ کا استعفیٰ منظور کرلیا ہے۔

وزیراعظم آفس کے مطابق شہباز شریف نے 4 جنوری 2022 سے استعفیٰ منظور کیا، وزیراعظم نے احد چیمہ کو اہم عہدہ دینے کی پیش کش کی تھی، مگر احد چیمہ نے کسی بھی عہدے پر تعینات ہونے سے معذرت کرلی۔

احد چیمہ کا کہنا تھا کہ میں اب سروس میں کسی بھی عہدے پر تعینات نہیں ہونا چاہتا، مجھ پر غلط اور بے بنیاد الزامات عائد کئے لیکن کچھ بھی ثابت نہ ہوسکا، اسٹیبلیشمنٹ ڈویژن نے تمام تر تحقیقات کے بعد کلئیر کردیا۔

خیال رہے کہ احد چیمہ نے پنجاب کے بڑے پراجیکٹ بروقت مکمل کرنے اور بہترین کام کرنے سے متعلق جانے جاتے ہیں، ان کا شمار بہترین، قابل، ایماندار اور بہترین افسران میں ہوتا ہے۔