شاہی خاندان چھوڑنے کے بعد برطانوی شہزادہ ہیری کو نوکری مل گئی

غیر ملکی خبر رساں ایجنسی کے مطابق شہزادہ ہیری نے کہا کہ وہ اپنی نئی ذمہ داریاں سنبھالنے کے بارے میں بہت خوش ہیں۔ ان کے کام کی نوعیت، اوقات کار اور اس کے عوض انہیں ملنے والا معاوضہ ابھی طے نہیں ہے۔اپنے بیان میں شہزادہ ہیری کا کہنا ہے کہ اس نئے عہدے میں ان کا مقصد ’ذہنی صحت سے متعلق ضروری بحث کو اجاگر کرنا، مددگار اور ہمدرد کمیونیٹی کا قیام اور ایماندار اور حساس موضوعات پر مباحثے کے لیے ماحول کو فروغ دینا‘ ہے۔

واضح رہے گذشتہ برس مارچ میں شہزادہ ہیری اور ان کی اہلیہ ڈچز آف سسیکس میگھن مارکل نے بطور شاہی خاندان کے سینئر ارکان کے عہدے سے دستبرداری کا اعلان کیا تھا ، جبکہ ان کا نوکری کے حوالے سے تازہ ترین اقدام ہے۔ شہزادہ ہیری کا نوکری سے متعلق یہ بیان اس ماہ کے شروع میں اپنی اہلیہ میگھن مارکل کے ہمراہ اوپرا ونفری کو ایک تہلکہ خیز انٹرویو دینے کے بعد سامنے آیا ہے۔