دوبئی کے نائب حکمران شیخ حمدان بن راشد انتقال کرگئے

عرب میڈیا  کے مطابق 25 دسمبر 1945 کو  پیدا ہونے والے شیخ حمدان کی عمر انتقال کے وقت 75 برس تھی، شیخ حمدان بن راشد کے انتقال کا اعلان  متحدہ عرب امارات کے وزیراعظم   شیخ محمدبن راشدالمختوم نے سوشل میڈیا پر  کیا ۔ شیخ محمد بن راشد نے تصدیق کی کہ"  میرا بھائی میرا ساتھی اس دنیامیں نہیں رہا۔ انہوں نے یہ بھی کہا کہ ہم سب کو بھی اسی کی طرف لوٹ کر جانا ہے۔"

إنا لله وإنا إليه راجعون ... رحمك الله يا أخي وسندي ورفيق دربي.. وأحسن مثواك .. وضعت رحالك عند رب كريم رحيم عظيم .. pic.twitter.com/xAw3rXIwoj

— HH Sheikh Mohammed (@HHShkMohd) March 24, 2021

شیخ حمدان بن راشد کافی عرصے سےعلیل تھے اور اسپتال میں زیر علاج تھے۔

عرب میڈیا کے مطابق  شیخ حمدان متحدہ عرب امارات کی 1971 میں تشکیل پانے والی پہلی کابینہ کے وقت سے وزارت خزانہ کی ذمہ داریاں نبھا رہے تھے۔ شیخ حمدان کو 2006 میں رائل برٹش کالج کی جانب سے تین سرٹیفکیٹس سے نوازا گیا تھا، اس کے علاوہ رائل برٹش کالج لندن کی جانب سے شیخ حمدان کو انٹرنل میڈیسن میں اعزازی فیلوشپ سے بھی نوازا گیا تھا۔