کوئی قانون سے بالاتر نہیں، سوالات کے جوابات دینے ہوں گے، وزیراعظم

تفصیلات کے مطابق   وزیراعظم عمران خان  سے حکومتی میڈیا ٹیم کی ملاقات ہوئی ہے۔وزیراعظم نے رمضان المبارک میں اشیائے خودرونوش کی وافر دستیابی یقینی بنانے کی ہدایت کر دی۔ وزیر اعظم عمران خان نے کہا کہ  رمضان المبارک میں عوام کو ریلیف کے لیے اقدامات کر رہے ہیں۔رمضان المبارک میں احساس پروگرام کی 5 تقاریب منعقد کر رہے۔عوام کو ریلیف کے لیے کوئی بھی اقدام سے گریز نہیں کروں گا۔

وزیراعظم عمران خان نے کہا  کہ ملک میں قانون کی حکمرانی قائم کرنا اولین ترجیح ہے۔ کوئی بھی قانون سے بالاتر نہیں ہے پیش ہو کر سوالات کے جوابات دینے ہوں گے۔انشتارپھیلانے اور قانون کوچیلنج کرنےوالوں سے سختی سے نمٹا جائے گا۔سیاسی جماعتوں کا جتھے لیکر اداروں پر چڑھائی قابل قبول نہیں،جتھے لے جا کر اداروں کو دباو میں لانے کی کوشش ہے۔انہوں نے مزید کہا کہ قانون کی عملدرآمدی ہر صورت یقینی بنائی جائے گی،یہاں کوئی جنگل کا قانون نہیں ہو سکتا، امیر کے لیے کچھ اور غریب کے لیے کوئی اورقانون ہو۔